【頭條獨家】演繹大膽情慾戲冇包袱 關智斌望觀眾視為真正演員

星島日報 更新於 05月28日14:37 • 發布於 05月28日11:00
Kenny跟溫碧霞豁出去演繹大膽情慾戲,他希望觀眾睇完電影會對他改觀。
Kenny由偶像歌手出道,轉眼12月便踏入4字頭,外表絕對睇唔出。
Kenny首度跟溫碧霞合作,他大讚對方冇架子,更帶動他投入拍親熱戲。
相對於情慾戲,Kenny覺得這場以英國口音演講戲份更難,他要專登找老師補課。
早前家居隔離的Kenny,學識善用社交媒體,難怪他籌拍的題材也跟這方面有關。
近年Kenny在內地拍下不少作品,劇集《長相守》中更要扮女裝。
Kenny新歌《日月》MV由他親自策劃,請來陳詠燊執導和陳湛文演出,Kenny爸爸亦有份客串。

關智斌(Kenny)繼14年演出港產片《救火英雄》後,主力發展內地巿場,最近再參與電影《墮落花》演出,演繹在英國長大的販毒集團主腦養子「傅餘浪」,角色相當大膽,更有不少情慾戲份,Kenny謂自己早已放低偶像包袱,所以拍攝完全冇尷尬,但自己睇完片都不禁「嘩」一聲,他期望透過今次角色,打破觀眾對他的既有印象,視他為真正的演員。撰文:杜淑霞 攝影:李維隆 髮型:Lupus_corient4 化妝:Elaw Wongr />對於今次角色突破,跟溫碧霞和郭奕芯亦有不少情慾戲,Kenny坦承接拍前完全沒包袱,「我拍嘅時候真係冇咁嘅感覺,因為呢7年我都向咗演員發展,我喺內地拍咗好多角色,而且唔一定係正面角色,我已經好自覺掉低嗰啲所謂包袱。」不過,當睇片時Kenny都意想不到,「加埋配樂、剪接同調色,自己喺戲院睇都有少少『嘩』咁樣。(自己都估唔到?)哈哈!都有少少估唔到。」
主動出擊自製機會
Kenny認為香港觀眾看着他成長,希望今次角色令大家對他有新睇法,認定他是個演員,「好多fans係睇住我大,或者一同成長,對我呢個形象好強,如果對於我做演員嚟講未必係一個好處,啲人對我太有既定形象,呢部戲對於我嚟講,可以令到大家覺得我都可以係一個演員。」
年底便40歲的Kenny,去年首開個人演唱會經驗,令他學懂珍惜,「我以前會覺得平時做啲嘢可能係白費,但係原來你唔知,做咗好多嘢積積埋埋到咗某個點嘅時候,可能會成就咗你嗰刻嘅一個燃料,經過上次,更加覺得只要你重視尊重番每一次工作已經夠。」而他亦認同做演員太被動,會嘗試主動出擊搞製作自製機會,更想探討如《Black Mirror》(《黑鏡》英國獨立單元劇)這類題材,「因為大家都沉迷科技,但拍嗰個題材始終偏番外國人用科技,可以講香港人用科技同埋點用社交媒體。」