【頭條獨家】佢係網絡女神杜小喬男友 譚永浩陪阿媽超市買餸

星島日報 更新於 2019年11月11日15:33 • 發布於 2019年11月11日12:00
譚永浩同杜小喬因合作音樂劇《我們的青春日誌》而撻著。男方好乖仔會陪媽媽去買餸,難怪娘娘會同佢一齊。
譚永浩陪媽媽買餸一啲都唔Hea。
揀完肉,譚永浩再去揀菜。
在音樂劇《我們的青春日誌》中,譚永浩同杜小喬飾演情侶。
今年7月,娘娘杜小喬喺ig貼上拖手相,公開認愛。
杜小喬係網絡女神,ig有38萬Follower。

就咁嘅,呢篇稿嘅主角叫譚永浩,英文名叫 Jarryd,10年參加英皇新秀歌唱大賽奪得「金咪大獎」及「最受歡迎網上人氣獎」,2年後入咗無綫藝員訓練班,畢業後做過《安樂蝸》等節目主持,去年喺劇集《救妻同學會》中飾演花弗男,今年終於簽TVB做經理人,其實寫佢原因同上面介紹嘅完全無關,係因為佢係網絡女神杜小喬嘅男友,無錯,杜小喬男友陪阿媽買餸,好孝順呀。採訪:梁志明今年7月,娘娘杜小喬喺ig貼上拖手相,公開認愛,男友就係譚永浩。兩人因為喺音樂劇《我們的青春日誌》中飾演情侶而撻著,對於跟娘娘拍拖,Jarryd接受訪問時表示:「其實我真係未試過同行內人拍拖,唔知會點,最重要另一半一定要善良。」對於女友曾經收兵無數,佢話唔介意另一半嘅過去。
認真買餸
當日晚上七點,戴咗口罩嘅譚永浩陪媽媽喺銅鑼灣時代廣場超市買餸, Jarryd唔只陪仲會畀意見,兼落手落腳揀,見佢揀蕃茄同菜,又去買扒同醬油,行咗半個鐘,買咗一堆餸,又乖又孝順,難怪杜小喬肯放棄成隊兵而情歸於佢。