【葉浩文專欄】中佬愛運動,女人唔明白

Esquire HK 發布於 2019年12月13日03:30 • EsquireHK.com
▲ EsquireHK.com

你有冇試下留意下自己手機,Whatsapp群組當中最多係乜嘢類型? 我發現自己過百個群組當中,竟然有近三成群組都係同朋友做運動有關。得意嘅係,群組裏面嘅朋友有啲其實唔係好熟,有啲甚至係只有一面之緣;但係自從大家入咗呢啲運動群組當中,突然之間就熟咗好多, 甚至可以稱兄道弟。

▲ EsquireHK.com

近來真係發覺,身邊嘅男人friend 佢運動嘅熱誠,可能真係比上床更有衝勁; 有啲似細個讀書時候大家圍埋一齊講咸濕嘢一樣。見過身邊有朋友,三十幾歲人都唔識游水,特登走去上游泳班,再玩渡海泳。亦有渣開四個轆嘅朋友,突然買架越野單車返黎走山路。

▲ EsquireHK.com

所以家中的另一位經常問我:又唔係做運動員,洗唔洗咁勤力啊?的確,就算係自己身邊的中佬朋友,做起運動上來,也會用盡全力,而且每天都在思考如何進步,如何做得更好,也會參加不同比賽、馬拉松,去證明自己的實力。這一切都是因為一個原因:「不服輸」。

▲ EsquireHK.com

「不服輸」並非是與他人競爭,而是與自己競爭,當你步入四十歲,你的內心不想承認自己已經老了、體能也大不如前,所以才想去運動,一來是為了能夠有改善,二來就是證明自己自己還未老。我們當然也知道自己不是運動員,但起碼能夠改善自己,也拉近與其他人的差距。

▲ EsquireHK.com

 諗返起其實早幾年自己也不會對健康、運動那麼著急, 就算自己睇落幾後生, 但知道總係會有歲月催人老嘅一日; 兒歌都有唱:「任你千千萬萬,任你千千萬萬,亦買不到多一秒」。所以開始買好的器材,請私人教練,是為了告訴自己,我不是在走下坡,而是還有向上發展的空間。

▲ EsquireHK.com

但當然,運動的原因也可以有好多種,「競爭」只是其中一個元素,練得如運動員般擊敗別人是一種樂趣,但不要忘記運動本身也是一種「遊戲」,是可以樂在其中的。打拳也需要學習步法、節奏、策略,與人競技的過程充滿樂趣,就算自己練習也不覺沈悶,因為發現自己有進步時,也會感到愉悅。

當你真正熱愛一項運動的時候,不只是觀看比賽,參與其中,才能體會到這項運動真正的樂趣。

**Follow us on:

查看原始文章