【深夜字聊】床技:睇片派 VS 睇書派

on.cc 東網 更新於 2019年10月21日15:58 • 發布於 2019年10月21日15:58 • on.cc 東網
【深夜字聊】床技:睇片派 VS 睇書派(互聯網)
【深夜字聊】床技:睇片派 VS 睇書派(互聯網)

大家嘅性愛技巧係點樣習得嘅呢?睇書、睇愛情動作片,定係實戰經驗嘅累積?不論係邊樣,如果男女雙方對學習方法有唔同,原來都會帶嚟矛盾。早前有男網民稱,自己係睇片派,睇完會透過同女友嘅實戰體驗嚟綜合經驗,而女友則係睇書派,覺得呢啲書先至夠專業。佢話:「我真係唔認同佢嘅諗法,所謂『讀萬卷書不如行萬里路』,梗係睇人哋嘅實戰先至有得着。佢就話片中演出係誇張嘢,書先至係正式方法。我明,但我唔係話睇佢哋嘅演出,而係睇佢哋個玩法。佢就話書係由專家寫嘅,仲可以睇到女性嘅諗法,呢啲先至有參考嘅價值。當然,我都係純粹同佢分享意見啫,問題係佢監我睇佢推介嗰幾本書去做,而小弟卻係睇字例瞓嘅人,感覺好似以前讀書被迫寫閱讀報告,嗰種痛苦法真係筆墨難盡呀!話時話,係咪大部分嘅男人都係睇片派呢?」

網友神回應:

弱男:男人十居其九都係睇片㗎啦!以前我哋成班FD都係睇完傳閱,不知學到幾多嘢,至於睇書,我同我班FD好似冇人咁做囉。

浩HO:我係男人,但我係睇書嘅,所以我認同你女友所講嘅嘢,書真係有參考價值好多。睇片嘛,我都會睇,當娛樂囉,實際做都係用書上知識。

Susi:我真係唔鍾意啲男人將AV嘅動作,放喺現實中囉。我男友佢最初就係咁,我唔係女優呀,我唔識做㗎,好彩佢最後都拎本書嚟望吓,知道鹹片始終係鹹片。

Vitor:兩樣嘢冇矛盾,點解唔可以並存?睇片當搵靈感,跟住再拎本書嚟研究吓,講真,如果重視啪啪啪嘅話,點都會用正途搵嚟學吓,睇片始終唔係一個好方法。

東網網站 : https://on.cc/

東網Facebook專頁 : https://www.facebook.com/onccnews/

查看原始文章