【深夜字聊】呢種行為不能原諒

on.cc 東網 更新於 2019年11月18日15:58 • 發布於 2019年11月18日15:58 • on.cc 東網
【深夜字聊】呢種行為不能原諒(互聯網)
【深夜字聊】呢種行為不能原諒(互聯網)

大家踎廁所方便會用幾多時間?最多咪半粒鐘,之但係如果踎成粒鐘又係乜嘢原因呢?早前有位女網民稱同男友同居咗三個月,但最近卻發覺男友喺廁所度原來係另有秘密。佢話:「最近男友每朝早起身,都會拎埋部手機入廁所度踎。其實佢以前都係咁,但通常半粒鐘加埋沖涼就完事,只係最近卻發現佢不但踎成粒鐘之餘,仲畀我發覺真相!前日我趁男友又入廁所,就詐唔覺意開咗廁所門。一睇之下,佢竟然喺度邊睇鹹片邊自我解決!我當時嬲到爆炸!唔係話佢自娛有問題,而係因為佢睇緊鹹片呀!因為我留意到我哋從最初每星期行埋五六次,到最近一星期都係得一兩次。起初以為佢攰,卻估唔到原來有咁嘅原因,而我最難接受就係佢睇住另一個女人(AV女優)自娛,呢啲仲唔係精神出軌咩?我嬲到即刻搬走,雖然佢有氹返我,但我度氣仲係未消呀!」

網友神回應:

Tommy:女人就係咁麻煩,睇鹹片又話精神性出軌,咁你哋睇啲韓星嗌對方做男神又點呢?咁唔係精神上出軌咩?

Albret:你尊重吓人得唔得呀?人哋都匿埋喺廁所度啦,你仲要踢爆人哋,知唔知乜嘢叫做寧知莫見呀?我真係唔覺得有女友或老婆,仲要睇AV係唔啱囉。

Queen:男人呀,你哋明唔明個問題喺邊呀?佢自我安慰呀!同睇男星唔同,我哋係唔會睇住佢哋做呢啲嘢呀!你試吓個女友望住第二個男人,跟住喺度咁做吖,你唔嬲呀?

這件事:原來重點係睇AV係冇問題,問題係一定要邊睇AV邊同女友或老婆做就OK,係咪?不過女人又明唔明,男人睇AV就好似打籃球咁,男人係唔會對個籃球有感情囉。

東網網站 : https://on.cc/

東網Facebook專頁 : https://www.facebook.com/onccnews/

查看原始文章