【書展延期】鄧達智感可惜:為大家健康無可厚非

明報 更新於 07月13日08:26 • 發布於 07月13日08:26
本地著名時裝設計師鄧達智人脈多,徐小鳳和蕭芳芳都跟他相當老友。(大會提供/資料圖片)

本地著名時裝設計師鄧達智(William),原定在今年書展期間,推出兩本新書《衣路歷情》和《THROWBACK》,分享他在時尚界的心路歷程、有趣見聞,以及鮮為人知的秘密,但由於本港疫情再度爆發,貿發局今天宣布書展延期舉行,William接受《明報》訪問時坦言可惜,心情亦無奈,但認為書展延期屬無可厚非。

William說:「我覺得係可惜,因為大家準備咗咁多嘢,最重要係心情,準備心情做呢件事,今次我出兩本書,都係出版社重點推介,所以亦有記者會及新書分享,節目好豐富,但突然間要改期,過去一星期疫情逆轉都冇辦法,為公眾衛生無可厚非,決定係正確,(書展)延遲幾個月,希望疫情好似之前比較平靜先去做,好過依家去搏,心情係無奈,但為大家健康福祉,無可厚非。」

問到會否擔心銷量?William說:「我唔係特別擔心銷量,唔係我最大concern,依家大家咁緊張同擔心時,夾硬去開書展嘅話,肯定影響銷路,反而延到9月或12月,等遲啲有信心再舉行書展,人流同過去咁多的話,反而係更好事情,留得青山在,哪怕冇柴燒。」

(即時娛樂)

查看原始文章