【好可愛】帶「小谷沐」玩衝浪 張震嶽一歲八個月囝囝超大膽

星島日報 更新於 06月01日18:46 • 發布於 06月02日01:00
未夠兩歲嘅小谷沐同爸爸玩衝浪玩得好開心。
小谷沐好大膽,第一次玩已敢爬上衝浪板。
玩到笑晒好可愛。
玩到條褲都甩甩哋。
小谷沐不斷跌落水。
爸爸扶返起再嚟過。
小朋友愈坐愈穩。
企得好穩好叻仔。
又跌。
再企。
好穩唔怕。
張震嶽抱住開心玩水嘅囝囝。
成功衝浪。
張震嶽放手畀囝囝玩。
快樂兩父子。

46歲的張震嶽好鍾意玩戶外活動,行山、露營同衝浪乜都啱,自前年做咗老竇後,兩人行變三人行,小朋友細細個就接觸大自然,經常同陽光玩遊戲,其實幾好。尋日一家三口就去咗海邊玩,一歲八個月又十日嘅「小谷沐」完全唔怕水,見浪衝埋嚟仲不斷笑,更爬上爸爸嘅滑浪板,初初玩企唔穩不斷跌,但小朋友唔驚,跌咗再企返身,如是者玩咗好多次,終於成功。「帶兒子去海邊,第一次玩衝浪板,就想站,而且沒在怕水的,一歲八個月又十天。衝浪很好玩,海王子沒在怕水的。」小朋友玩得好開心,追住爬上板,而張震嶽更開心,全程Keep住笑,負責拍攝嘅媽媽同樣由頭笑到尾,成段片都睇得好開心。