【嚦咕發脾氣】向網友求救 蔡卓妍係唔合格貓奴

星島日報 更新於 08月05日11:56 • 發布於 08月05日06:54
貓咪好快大,只需七個月,「嚦咕」就由BB變少女。
左邊布偶貓棉花糖係客,右邊係原居民「嚦咕」。
一山不能藏二貓,原居民當然唔鍾意。
大個咗嘅「嚦咕」。

同男友石恆聰拍咗三年拖,因為男友係貓奴,所以感染到狗奴蔡卓妍養貓,年頭就接咗隻貓B「嚦咕」返歸,養咗七個月,「嚦咕」完全攻佔阿Sa嘅心,由叫「嚦咕」變成「我老細」。今日,阿Sa屋企有朋友及朋友嘅布偶貓棉花糖到訪,新任貓奴諗住正呀,可以介紹新貓朋友畀「嚦咕」識,點知,「完全搞唔掂,嚦咕又驚又嬲,從來未見過佢有脾氣㗎嘛,反而棉花糖就成日都好想同嚦咕玩。」貓貓好有山頭主義,有外來貓闖入地頭當然唔鍾意,發脾氣是常識,你想自己隻貓識新朋友,但你隻貓想唔想呢?
貓奴知識好貧乏嘅阿Sa唯有上網問點解,「有冇方法㗎呢?」