【又會咁嘅】火速刪去童年靚相 城城大女八成似兒時方媛

星島日報 更新於 06月02日13:41 • 發布於 06月02日03:30
兒時方媛和大寶相似度有八成。
小時候Moka面圓圓,束住孖辮仔,襯花裙仔,好可愛。
中童開始輪廓開始分明,唯獨未見有雙眼皮,且雙唇冇咁精緻。
《郭富城鼓舞‧動起來網上慈善演唱會》中方媛帶過大女Chantelle到場支持,一家三口溫馨合照。
方媛經常喺微博晒恩愛。
方媛愈嚟愈靚女。

趁住「六一兒童節」,「城嫂」方媛(Moka)昨晚喺微博上載咗兩張小童及中童照,並留言:「猜猜大寶和小寶誰和我小時候比較像?六一兒童節」,不過,出PO一陣,Moka竟然火速刪相,童年相好快就冇得留低。
 
不過,本報記者眼明手快,有幸睇到「城嫂」兒時可愛靚相,相嘅Moka束住孖辮仔,相當可愛,從前Baby fat有包子臉,如今臉型的確更顯瘦,而且眼、鼻、口輪廓較深,大大吓仲有埋雙眼皮,兼冇咗個眼袋,真係女大十八變,愈嚟愈高質同靚,連天王城城都勁Like,錫到老婆燶。
 
由於二寶從未曝光,反而喺《郭富城鼓舞‧動起來網上慈善演唱會》中方媛帶過大女Chantelle到場支持,仲罕有咁喺海旁一家三口合照留影。Chantelle雖然戴住口罩,不過紮住兩個小髻仔嘅大寶眼仔碌碌,驟眼睇都有啲媽咪影子,雙眼及前額相似度有八成。