【全場嗌林狗下台】「激嬲全香港人好容易」 林海峰:有一個人做到....

明報 更新於 2019年09月19日14:16 • 發布於 2019年09月19日13:34
林海峰今晚在紅館舉行棟篤笑,大放笑彈。(網上圖片)
舞台設計是一個巨型Office。(網上圖片)
林嘉欣今晚去睇林海峰棟篤笑。(孫華中攝)

【今晚直擊】林海峰(Jan)《是但噏Happy Monday 2019》棟篤笑,今晚(19日)在紅館開鑼,林嘉欣前往捧場。舞台是一個辦公室設計,有巨型飲水機、文件夾、影印機裝置等,Jan先在台上意有所指說:「有人叫我講嘢唔好咁偏激,要中立啲,又話依家靠你為香港人發聲,搞到我覺得自己好重要….依家氹人笑難,氹香港人笑好難,氹一班唔開心香港人笑係難上加難,靠我一個人喎大佬,但相反激嬲香港人好容易,激嬲全香港人都好容易,有一個人可以做到…」此時全場拍掌歡呼,Jan搞笑反問:「你知我講邊個咩?你心入面係咪有個單字?」

Jan及後再說:「原本個騷叫『Happy Monday』,諗住大家可以返工開心,咁星期一返工已經好唔開心,係咪?再加埋這幾個月發生咗事,每個星期六日,之後好唔開心返工,我想令大家好開心咁返工,其實好簡單,只要有一個人唔再返工,全部人返工好開心。」全場再次掌聲雷動,歡呼聲不絕於耳。

之後Jan要落台換衫,他先說:「林狗﹗(林海峰暱稱)」全場再和應:「下台﹗」Jan跟住就話即刻下台換衫開騷。當Jan返後台換衫時,現場好多觀眾大叫:「光復香港 時代革命」及「香港人加油」。

(即時娛樂)

 

查看原始文章