「鐵馬」團拜 四眼馬國明嚇親鄭嘉穎囝囝

on.cc 東網 更新於 2020年01月28日00:30 • 發布於 2020年01月28日00:30 • on.cc 東網
佢哋真係好好感情。
佢哋真係好好感情。
女士們負責準備美食。
女士們負責準備美食。
正~
正~
好豐富~
好豐富~
林子善就食唔停~
林子善就食唔停~
扮晒嘢話淥畀唐詩詠食,但係阿妹唔食牛肉囉!
扮晒嘢話淥畀唐詩詠食,但係阿妹唔食牛肉囉!
林子善個樣好尷尬~
林子善個樣好尷尬~
鄭嘉穎睇唔過眼要教訓林子善。
鄭嘉穎睇唔過眼要教訓林子善。
唐詩詠用大蟹蓋裝麵食夠晒氣勢。
唐詩詠用大蟹蓋裝麵食夠晒氣勢。
唐詩詠大豐收。
唐詩詠大豐收。
Rafael個樣好抗拒畀馬國明抱住。
Rafael個樣好抗拒畀馬國明抱住。
Rafael :你係邊位?
Rafael :你係邊位?
黃嘉樂同女友喺後面好sweet。
黃嘉樂同女友喺後面好sweet。
唐詩詠爆馬國明原來係打牌高手。
唐詩詠爆馬國明原來係打牌高手。
大合照。
大合照。

藝人鄭嘉穎同一班「鐵馬家族」嘅兄弟姊妹,包括唐詩詠、馬國明、黃嘉樂及林子善,向來感情好好,不時都相約飯局,呢日佢哋更齊齊團拜打邊爐,鄭嘉穎老婆陳凱琳(Grace)及黃嘉樂嘅攝影師女友Samantha都有出席,認真熱鬧!Grace喺社交網大晒多段短片,片中見女子組負責處理海鮮,男子組就掛住食唔幫手,奉旨做「大爺」等人服侍,林子善更死撐話係幫唐詩詠烚定肥牛,點知即刻被踢爆對方根本唔食牛,作為「大哥」嘅鄭嘉穎都睇唔過眼要出聲:「睇吓你幾冇阿妹心呀!」相當搞笑!

雖然唐詩詠唔食牛,都仲有好多嘢食,佢食完隻長腳蟹之後仲用個大蟹蓋嚟裝麵食,啱啱行個嘅林子善就好奇問佢個碗喺邊度買,唐詩詠就搞笑答:「竹地。」成餐飯要數最開心嘅一定係阿妹唐詩詠,佢有得食之餘仲排住隊同咁多位阿哥𢭃利是認真開心。

食完飯就梗係要做運吓動幫助消化,佢哋就揀咗攻打四方城,唔知係咪怕阿妹牌章唔夠高會輸得多,鄭嘉穎同黃嘉樂坐正喺佢後面做軍師,不停教佢點打牌,唐詩詠喺社交網度話馬國明雖然係天然呆,不過打牌就一啲都唔呆,相信最後大贏家就係馬國明,唔知係咪馬國明戴咗眼鏡個樣唔同咗,搞到鄭嘉穎同陳凱琳生嘅囝囝Rafael好似唔認得佢,畀佢抱住時仲好抗拒,個樣仲好似想搵媽咪救佢走!

東網網站 : https://on.cc/

東網Facebook專頁 : https://www.facebook.com/onccnews/

查看原始文章