「珍奶控」福音!日本推期間限定「珍珠奶茶乳酪」「珍奶迷」又有口褔~

Homita 更新於 2019年10月21日10:03 • 發布於 2019年10月21日10:03 • CASS

珍珠奶茶喺日本嘅熱度唔單止冇減退,反而仲有越嚟越紅嘅趨勢,繼之前報導過嘅「珍珠奶茶酒」、「珍珠奶茶朱古力」後,近日有日本網民發現 meiji(明治)推出咗「珍珠奶茶乳酪」,一眾「珍奶迷」又有口褔啦!

珍珠奶茶唔單止喺台灣香港大熱,就連日本都吹起咗珍奶風潮,日本人對珍奶嘅熱愛程度絕對超出你想像,種種珍奶創新食品層出不窮,最近日本明治公司都加入呢個行列,推出咗期間限定「珍珠奶茶乳酪」~

乳酪嘅外包裝同布甸差唔多,打開後,上層係奶茶口味嘅乳酪,而下層則係滿滿嘅珍珠配上紅茶醬。建議大家打開後先將上下兩層撈勻,咁就可以每一啖都食到珍珠同紅茶醬,口感會更加豐富。

唔少櫻花妹高度推薦呢款乳酪,話有超濃郁嘅珍奶口味!不過亦有部分網民唔不太鍾意,表示奶茶加乳酪嘅配搭,似變酸咗嘅珍奶,更幽默留言:「拜託你哋停手,放過珍珠奶茶啦,唔係樣樣嘢夾奶茶都好食!」

雖然好壞參半,但難得嚟到日本,不妨就試下啦!更何況係期間限定產品,錯過咗,唔知之後仲會唔會有~

各大超市及便利店有售~

查看原始文章