廣告（請繼續閱讀本文）
廣告（請繼續閱讀本文）
武漢肺炎大爆發，本港確診及懷疑個案也持續上升，引來全城瘋搶口罩及消毒用品，有關商品更在不少商店內被一掃而空！見一「罩」難求，身為「稱職女友」的陳庭欣（Toby）好識做，即於社交網出Po，幫彩豐行老闆兼男友楊振源（Benny）大大力宣傳旗下分店今日初三啟市，仲要囗罩、抗菌免沖潔手啫喱、滅菌噴霧等防疫消毒產品，一律絕無加價，她說：「明白到近日由於肺炎疫情嚴峻，市面上有很多防疫產品已缺貨或以高價發售。《彩豐》作為香港嘅一份子，希望跟大家一起共度難關。」其後，Toby又貼出Benny於大年初二趕工分貨到各大門市的短片，吸引不少人留言查詢外，更有不少網民大讚良心企業兼好老闆！其中，唔知江嘉敏係咪都撲唔到口罩呢？她留言問Toby：「我想買3、4盒呀！仲有冇貨？」有粉絲即回覆話願意畀啲口罩江嘉敏，認真搞笑。不過，今日則有網民留言埋怨，指分店售賣的口罩數量太少，根本供不應求，Benny回覆傳媒時，即就今晨各店造成的混亂與不便，向大家衷心致歉，他解釋：「農曆新年期間，人手及貨源實在非常短缺，包括包裝部、運輸部、分店員工等，導致存貨不能提供到部份分店，所有防疫產品本身貨存數目非常有限，但我們都已盡力能將倉內所有現貨安排配分給大家購買。」並謂會加緊製造各種消毒產品，以及聯繫口罩供應商，希望盡力為市民服務。