《拆彈專家2》上映日期一改再改，終於安排在戲院重開後（2月18日）立即上畫，電影由《拆彈專家》原班人馬上陣，邱禮濤執導、劉德華監製及主演，以全新故事展開，再配入影帝級人馬劉青雲，夥拍劉德華組成「雙影帝」組合。
廣告（請繼續閱讀本文）
今天（2月16日）踏入57歲的青雲，在年前參與《拆彈專家2》拍攝期間亦是適逢其生日，一眾「拆彈隊員」與導演邱禮濤及幕後工作人員齊齊送驚喜，為青雲在片場慶祝牛一，而劇組人員更專誠訂造一個別具心思的炸彈型蛋糕，逗得青雲笑不攏嘴，邱禮濤還笑指該「炸彈」屬於辛亥革命時的炸彈。
廣告（請繼續閱讀本文）
向來敬業樂業的青雲已非首次在片場度過生日，他說：「我哋呢一行，好多時都喺片場過生日，我成日都同人講，唔好話畀人知係我生日，不過今次就揚啲！最難忘一次試過生日喺殯儀館取景。」
青雲更直言會叫太太不用送禮：「真係需要嘅嘢應該都有，未有嘅嘢都係冇咩需要，買咗放喺度唔用好浪費。大家開開心心食飯咪得囉，其實送禮係一件好難嘅事，收咗人哋嘅生日禮物，人哋生日又要諗送咩畀人，都幾吃力。」提到生日願望，青雲坦言希望所有事順順利利，大家生活開開心心：「我相信得一個人開心嘅世界，係唔會開心，所以我希望大家都開心，好好過日子。」
廣告（請繼續閱讀本文）
撰文：機