廣告（請繼續閱讀本文）
岑麗香、陳家樂、蘇韻姿、陳思圻、敖嘉年、栢天男等，今天（10日）出席HOY TV首部10集原創劇《我愛九龍城》發布會。陳家樂與岑麗香在劇中飾演青梅竹馬密友，會有10多歲的年輕造型。陳家樂笑道︰「已經試咗造型，但要睇特效得唔得。遮住個樣，我都接受到個造型，比較幸運係唔使著校服。」
岑麗香自信扮20歲出頭的女生沒問題，她不知道與劇中男友栢天男可有親熱場面，坦言當媽媽後不太接受演這類戲。岑麗香說︰「如果有嘅話，兩個仔一定唔可以睇，佢哋年紀太細，唔知道真假。我試過拍劇、拍廣告時抱起其他小朋友，佢哋睇到即刻妒忌到喊。唔使理老公？呢啲閂埋門先再傾。」
廣告（請繼續閱讀本文）
對於被指倒戈對撼娘家無綫，岑麗香稱沒此感覺，強調已很少拍劇，這次是因為劇本吸引才接拍，總之哪個電視台的劇本吸引都會拍。陳家樂主演的無綫劇《異空感應》月尾推出，他稱不尷尬，會騰出時間參與宣傳。陳家樂說︰「兩邊都係睇劇本決定，我冇簽經理人約，所以冇特別尷尬。」
（即時娛樂）