MIRROR演唱會意外｜阿Mo心中累積委屈終爆喊　So Ching心痛無從入手

MIRROR前年7月紅館演唱會期間發生意外，嚴重受傷的舞者李啟言（阿Mo）至今仍需留院接受治療，其女友蘇芷晴（So Ching）對男友一直不離不棄，昨日（9日）So Ching在IG限時動態發文，疑似探望完阿Mo後有感而發地：「心中原來累積咗好多好多委屈。」

So Ching昨日貼文寫道：「今日聽你傾訴，心中原來累積咗好多好多委屈，我相信有更多係未講出口的。你好耐都無試過大喊一場了.. (I do feel heartbroken..)，我唔知可以點幫手，好希望身邊有更多好人陪伴你。」

So Ching還表示：「其實我哋每人每日做每件事，講每句說話都可以影響好多人，衷心希望每一個睇到呢度的你，可以用心去感受及了解一下，你日常生活/工作會遇見的人（尤其係特別需要被照顧的人），你唔一定要愛佢或花費你好多時間，只要企喺佢角度諗一下，一下都好，俾着你係佢，你會點？」

另外，阿Mo父親李盛林牧師今晚發出第120封代禱信，透露兒子阿Mo經歷了兩年的無助，約在三個多月前，藉著外界一些直接和間接刺激治療，逐步激活了各肢體對大腦指令的反應：「雖阿Mo個別肢體可以在大腦指令之下，開始重拾肌肉活動的反應，但暫時僅限於單一肌肉組的運作，彼此之間的協調仍有待進一步改善，以恢復日常生活功能。」

代禱信中表示，現階段阿Mo所用的治療是 「硬膜外刺激法」(epidural stimulation protocol)，通過刺激脊椎神經，並透過刺激器將腦電波信訊號配對，使相關的肌肉運作起來，現藉以上的復康器械，用來強化肩膊、手臂和手指肌肉及相關的關節。信中續道，無論是醫護或是熟悉路過的有心人，他們都是異口同聲的讚嘆阿Mo「大隻和橫了很多」。