張致恒放假陪小朋友被鄰居投訴嘈到拆天　好爸爸唔易做

「長期糧尾」又育有4名幼兒的藝人張致恒（Steven），近月和太太雯雯先後在社交網「求援」，老公聲稱「唔夠工開，有冇人可以幫幫手」，而老婆又呻爆被人追債將「面臨冇屋住、冇飯開，生存唔到時」的絕境，雖然未知可否有心人應援資助，不過張家似乎尚未到要「瞓街」嘅地步，關心Steven的朋友可暫時放心。

皆因Steven在社交網更新近況，上載囝囝睇圖書的照片，單憑背影估計相中人是孻仔張天樂，他乖乖坐在書堆中，正用小手逐頁揭書慢慢睇，可謂孺子可教也。不過爸爸Steven卻在旁放負，留言謂：「做人真係難，星期日放假，同啲小朋友喺屋企都要畀人投訴話我哋好嘈。」鄰居不堪噪音擾攘要抗議，但有鄰居總好過冇鄰居，證明一家人仲有屋住。

東網網站 : https://on.cc/東網Facebook專頁 : https://www.facebook.com/onccnews/