疫情入侵全球就快兩年，相信大家在這兩年間最「親密」的就是口罩及各種消毒用品。由疫情初期全城瘋狂搶口罩，一盒口罩炒至過百元，到後來售價慢慢穩定，到處都是五花百門、色彩繽紛的顏色公仔口罩。雖然這兩年來聽過不少人因為口罩「好焗」、「影響皮膚」，甚至部份有化妝習慣的人因為口罩會「整花個妝」而極度討厭配戴口罩，不過原來都有許多人熱愛，甚或是依賴戴口罩。近日就有高登巴打懷疑自己受疫情期間的生活習慣影響而患上「口罩依存症」，特意發文表示疫情後無得戴罩「唔知點算」。習慣向來成自然，未知你又有否對可以遮擋半張臉的口罩產生依賴呢？
撰文：Rainnie｜編輯：JA｜圖片來源：高登討論區截圖、Facebook@Anson Lo、Facebook@MaskOn._、YouTube@TVB USA Official
港男懷疑患上「口罩依存症」 擔心疫後無得戴罩：唔知點算
廣告（請繼續閱讀本文）
日前一名巴打在高登討論區以「有冇個樣生得好嚴峻嘅手足同我一樣已經開始擔心疫後冇罩嘅日子」為題開post，發文表示懷疑自己受疫情期間的生活習慣影響而患上「口罩依存症」。這位巴打在post內提到自己個樣「生得好嚴峻」，疫情期間「又帽又蔭」，再加上為抗疫一直與口罩「融為一體」，在大半張臉都被外物遮擋下「感覺上無咁樣衰」，因而十分擔心疫情後無得戴口罩「唔知點算」。
廣告（請繼續閱讀本文）
樓主經歷惹共鳴 大批網民竟有相同「症狀」！
樓主分享自身經歷及感受的發文一出，旋即引起網民熱議。雖然都有少量網民直指自己「最憎戴口罩」，但大多數人則偏向同意樓主「口罩依存症」的情況，惹起廣大高登仔的共鳴。大批網民留言回應指自己有相同「症狀」，紛紛「me too」之餘又指戴口罩的日子前所未有的「舒服」及「無壓力」，更有巴打坦言「無口罩唔夠膽望女」，情況十分嚴峻。
廣告（請繼續閱讀本文）
Wing 智將有得買就有得戴除非戴口罩犯左國安法🐻
2021年12月21日03:23
鵰狸鷺鵡 我患上金錢依存症只擔心無錢洗😂😂
2021年12月21日05:23
A k a n e 下，咁咪繼續戴囉，有咩問題?
傷風都要戴架啦
🤔🤔🤔🤔🤔🤔
2021年12月21日05:08
N 其實有無口罩，女人單憑眼神都會感受到個男人係咪用猥瑣嘅心態望佢；淨係睇件衫嘅款式、整齊程度、前蔭髮型同整潔度、眼神，就知你係咪毒男宅男～如果你開口講嘢，就更加之肯定你係咩人，基本上完全唔需要望你塊面～（利申：呢啲野大部分廿幾歲女仔已經識，當年我廿幾歲已經識，唔係得我呢啲四張嘅女人先識）
唔好咁天真以為一個口罩可以遮掩到你嘅「毒毒」氣場！正如一個老姑婆，你認為佢係咪戴左口罩就會變靚女後生女？髮型衣著、說話語氣，基本上露晒底！唔好覺得戴左口罩就可以任意𥄫女，人哋見到感受到架！正如老姑婆戴咗口罩望你呀，你感唔感受到丫？老遠都感受到個氣場啦！
（話說，我有個女同事係A0仲要就嚟40歲，我自己就唔覺得佢個「老姑婆」氣場咁勁嘅，但我有位男性朋友見過佢一次，我問佢有冇興趣識女同事，佢即刻話「嘩一睇就知佢無拍過拖啦！」，其實呢啲嘢喺異性眼中係好感受到！）
#唔好用個口罩影響你識朋友
#我鼻敏感其實一直習慣口罩跟身
2021年12月21日04:37
瑤瑤 點解無口罩唔敢望女仔…因為狂流口水🤤？
2021年12月21日04:03
顯示全部