分析Gin Lee叱咤再失金原因 「肯定就是你」太洗腦所致？

（本文獲原創者授權轉載。）

1.叱咤樂壇流行榜頒獎典禮圓滿結束，結果大致與預期差不多，最受熱議就係GinLee李倖倪 四奪叱咤樂壇女歌手銀獎，再一次與金獎無緣

2.去年Gin Lee強勢加盟英皇，加上去年鄭欣宜小休，令外界對她看高一線，但最後輸俾與同樣大熱嘅陳蕾，有網民就總結三大因素：

唱片公司派歌失策

Gin Lee加入新公司後，為擺脫過去沉悶形象，派出快歌DumDum 成為1st plug，雖然極其洗腦，但就有唔少網民覺得「首歌成日肯定就是你 ，好煩」、「聽到好老尷」、「mixing錯哂」、「唔係Gin Lee唱歌唔好，係首歌唔岩佢把聲」、「第一次聽，聽到想mute 左佢」、「肯定就是你！汪汪汪！」，又有網民覺得寧願谷《企好》，「推Dum dum咪衰咗」

太親近無線
Gin Lee做過兩屆TVB《聲夢》導師，兩屆冠軍炎明熹同任暟晴 都係佢嗰組，但相信唔講都冇乜人知。有網民就認為，對比「陳蕾本來年年坐冷板凳，做完viu《造星》導師即攞女金，仲上埋紅館」認為TVB太「老人化」，參與節目對自身人氣冇加成，直言她「歸錯邊」

商台平衡唱片公司利益

亦有網民指，每年獎項有限，唔可以太側重單一唱片公司，「viu旗下大國已有MIRROR 拎組合、而英皇軒公張敬軒 拎咗至尊歌曲、最男，再拎埋女金，華納就冇大獎」，再加上要兼顧其他唱片公司，令Gin Lee成為炮灰

3. 近日就有人開po，「一人一個：幫 Gin Lee 變女金方法」，有網民指「寧願佢唱返《雙雙》，走歌姬路線冇咁嬲」、「去做吓造星導師」、「佢d 歌好悶」，亦有網民就認為「歌手唱好啲歌就得」

4. 唔少網民都認同Gin Lee有實力，「只欠一首大熱嘅歌」，但話返轉頭，今年佢舊公司環球旗下歌手，幾乎喺叱咤「食白果」，而睇返往績，Gin Lee過去三年女歌手「三甲不入」，其實已經有進步

5. 有網民總結，Gin Lee今年奪金機會不少，「張敬軒今年當完晒夢啦…淨係谷佢女金同紅館搞掂啦！」

作者：娛頭
▼Follow 娛頭
Facebook: https://www.facebook.com/profile.php?id=61554772610166

【想在LINE TODAY刊登你的文章或影片，歡迎聯絡我們】