陳山聰刻意著靚靚亮相。
無綫綜藝節目《馬時亨 香港情》明晚（20日）播出的一集主題是「時裝情懷」，馬時亨邀來著名時裝設計師鄧達智（William），與陳山聰暢談時裝經。
廣告（請繼續閱讀本文）
廣告（請繼續閱讀本文）
為配合主題，陳山聰刻意著靚靚亮相，並開心分享身上牛仔褲的來歷：「我依家著緊嘅牛仔褲，係喺九十年代尾（買嘅）。」山聰憶述當年自己穿了一條售價約二千多元的品牌牛仔褲到泰國旅行，期間看到一名泰籍青年穿了一條讓山聰「一見鍾情」的牛仔褲，山聰上前研究完該條牛仔褲一輪後，即決定「以褲易褲」，山聰笑言：「我問『你肯唔肯換吖？』我再加咗2萬銖，即場同佢換褲。呢條褲我keep咗差唔多30年，我好耐冇洗喇，一洗咗個色就走喇。」山聰又笑言連陳媽媽也曾投訴「條褲臭喇」，山聰之後還分享了對付「發臭牛仔褲」妙法。
廣告（請繼續閱讀本文）
山聰特登著咗一條佢自己好鍾意嘅牛仔褲上節目。
山聰續指對時裝的熱愛，或多或少是受擅長做靚衫的媽咪影響，並謂：「就算我啱啱入行時，我媽咪都仲有做衫俾我。」談到家中衣物收藏數量，山聰笑言有過200對鞋：「我係波鞋、皮鞋、boot，總之係靚嘅鞋我都會買。著衫我唔係為咗俾人睇，我自己開心架咋。」
至於鄧達智則會大談香港時裝發展史，並肉緊謂：「香港（服裝業）曾經嘅輝煌係好多香港人唔知。」
鄧達智都講咗好多時裝經。