今次的春季關西之旅，基本上是一個人去，但在京都和大阪都約到好幾位不同的朋友同遊或同食，像這晚在大阪，就難得約到在香港認識多年的日系旅遊達人食晚飯，既然他是日本達人，餐廳自然就當然交由他話事，他揀選了一間在心齋橋附近吃燒鳥的「炭火燒鳥清」，於是就相約在此吃燒鳥。
店舖距離心齋橋站地面出口只有約5分鐘，門口有少少隱蔽，幸好有門牌，尚算易找。
店內只有約十個座位，當晚客人以本地人為主，我們坐正師傅烹煮位置前，便可以透過玻璃睇到師傅燒物的技藝。
先看看餐牌，最貴的套餐都是6000円，已經有前菜5款和7款燒物，亦可以單點。
朋友對清酒好有研究，難得在日本碰面，咁高興當然要飲多幾杯啦!
先來清新的瓜菜，令口腔清爽起來。
前菜盛5種以蔬菜為主，亦有螢光魷魚，感覺很鮮甜而不失輕巧和清新。
未燒之前，先給我們睇睇7款的串燒，包含了雞隻的不同部位。
日本人對燒鳥好有鑽研，好的串燒師傅對肉和內臟都會處理得好好的!
這晚吃過醬烤的雞肝、鹽烤雞心、鵪鶉蛋、雞肉棒、雞腿肉、雞頸、雞三角位，還追加了雞翼串。
每樣雞件及雞內臟不但燒得準確，熟度全部都剛剛好，尤其讚賞一些內臟部位，燒成軟硬度適中，郤又不失焦香，而每串用的醬汁也不太重手，提升到味道的層次，又仍然吃到肉味。
色彩繽紛的野菜盛合
特製的鳥鍋，還可將麵條放入濃郁的雞湯內，鮮味十足。
炭火烤的飯糰，烤成金黃色，十分酥脆可口。
最後送上甜品焦糖布丁、牛奶雪糕。
飲了好幾杯酒，又追加了幾串，最後埋單每位約10,000円，相當合理，這店的服務水平雖然未算是很細心，但以這個價錢而有這樣高汁水準，實屬難得，加上地點方便，值得推介。
炭火焼 鳥清
地址: 大阪府大阪市中央区東心斎橋１丁目９−13 RRIVE SHINSAIBASHI BLD 3F (地鐵心齋橋站出口步行約5分鐘)
營業時間: 17:30–23:00 (星期日休息)
Google Maps地點: https://goo.gl/maps/TX9rMScBPD9keBFc6
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung