不少公司或上司亦會在年初四開工當日向員工派發開工利是。日前，一位打工仔在討論區分享剛剛收到上司的一封開工利是，令他與一眾同事感到無言。
上司派利是 還鼓吹一齊現場拆
事源網友公司在年前接了一個大客，要求成Team人一齊處理，於是他們提早於年初四開工。上司亦向每人派發開工利是，還鼓吹大家一齊現場拆，他們拆開利是後，發現裏面只有一張寫著「虎年加油」的紅紙，令一眾同事啞口無言。然後上司說：「係咪好驚喜呢！」他們以為純粹惡搞，豈料上司補多一句：「咁大家今年都繼續加油喇！」 ，然後便返回自己房….
廣告（請繼續閱讀本文）
一般打工利是大約是$50-$100，當然都要視乎你公司大唔大方。又或是每個行業都有所不同，金融、銀行等行業的利是金額就會比較高，最高聽說有$2,000元！這位上司都相當唔識做，金額小都算，得張紅紙真係仲嬲過得$20！
廣告（請繼續閱讀本文）
網民：白眼會反到上天花板
廣告（請繼續閱讀本文）
帖文發出後，一眾網民替網友不值，認為其上司十分無恥，有網民表示如果是他，應該嬲到即場撕掉然後回家睡覺，更有網民提議若他下次擺酒邀請同事，可以在利是入面放張紅紙，正所謂「以其人之道，還治其人之身」。