曾自稱「全港最高質YouTuber」的劉馬車於2020年因為在深圳酒吧「撿屍」而犯下強制猥褻罪，被判處3年6個月有期徒刑，月初他終於刑滿出獄，而他隨即「重操故業」積極更新YouTube頻道，日前更預告將會參加ViuTV人氣真人選秀騷《全民造星V》，仲自爆認識《全民造星II》冠軍吳啟洋（Phoebus）！
廣告（請繼續閱讀本文）
在最新一條影片入面，劉馬車表示自己落蘭桂坊並不是為了「溝女」而是唱歌，更預告將會參加《全民造星V》，希望可以逆轉我人生：「雖然我知道我呢個情況，講真ViuTV連海選都唔會俾我海選，呢啲都明白嘅，我好希望可以係2023年參加《全民造星》。」又指今年願望是參加《全民造星V》、唱多些原創歌曲以及拍微電影。
廣告（請繼續閱讀本文）
廣告（請繼續閱讀本文）
劉馬車又自爆自己同《全民造星II》冠軍Phoebus都是青年會書院YMCA的舊生，曾一起參加過手球隊，仲以「阿洋」稱呼對方，看似關係不錯。劉馬車仲話見到Phoebus在台上發光發時感到唏噓：「人哋而家係一個偶像派歌手，一個可以搵好多錢，年青有為嘅靚仔，好成功，而我呢…覺得好唏噓，覺得自己唔應該係咁，當然戥阿洋開心。」最後指希望自己都可以做好啲，令真心支持、關心他的人感到欣慰。