買咗都唔捨得食系列！BLACKPINK 與 OREO 最近推出聯乘限量版，將 OREO 曲奇變成黑色與粉紅色嘅配搭！
廣告（請繼續閱讀本文）
分別有兩款口味，粉紅色盒嘅係朱古力味，兩片粉紅色曲奇夾着朱古力夾心，而黑色盒則係士多啤梨味，兩片黑色曲奇夾着士多啤梨夾心。其中士多啤梨味特別香甜，一打開包裝已聞到像糖果嘅香氣，如果有齊兩隻口味，仲可以自製混合版，將一黑一粉紅嘅曲奇夾着一齊食。
廣告（請繼續閱讀本文）
每個外盒都有其中一位成員嘅簽名，香港並未有售，要買就要去韓國或其他亞洲地區。老老實實買到都未必捨得折盒，不過 OREO 算係細心，每盒內分成兩小包曲奇，可以一包食一包用作收藏，各位 blink 你買到又捨唔捨得食呢？