吳業坤（坤哥）2020年5月起學習空手道，去年開始參加不同比賽，曾先後在香港和日本的比賽上贏得冠軍，更揚言希望有天能加入港隊。坤哥今天（23日）在社交平台透露參加了全運會的香港代表隊空手道運動員選拔賽， 雖然最後落選了，但能在比賽上排名第4已是超額完成。他說︰「師傅話要攞多啲比賽經驗，就膽粗粗參加咗全運會嘅選拔賽，當然未有能力贏到做香港代表，但係都好開心拎到第四名算是超額完成。比賽輸贏固然重要，但尊重比賽、尊重對手更加重要。今次打足4場比賽都無第一次打一場咁攰！繼續努力！但相信市民吳先生要影過張證件相嚟做選手證。」
（即時娛樂）