鄭中基（Ronald）昨日（11月12日）在其YouTube頻道「機動電視台RTV」大數自己過去廿多年來拍過最匪夷所思的MV，提到當年廣東歌都要為TVB另外拍一個版本時，Ronald大爆當年TVB要求他們改《無賴》其中兩隻歌詞才可以拍MV、上《勁歌金曲》，直言「由嗰時開始就唔妥TVB到𠵱家」。
廣告（請繼續閱讀本文）
鄭中基在短片中提到當年《勁歌金曲》多年來都有規定要求有自己版本MV，更要求唱片公司改《無賴》其中兩隻歌詞。「有句歌詞TVB一定要我改咗先可以參加《勁歌金曲》，就係『曾話過要戒煙』，佢唔知點解唔畀我講戒煙，我就特登要入過錄音室錄過另一句歌詞，就係『曾話過要儲錢，但講了就算』。」
Ronald直言「被迫改歌詞」一事開始嬲TVB，「而我嬲TVB之餘，我嬲番自己公司。點樣可以一個artist嘅歌，為咗一個電視台而去改兩隻歌詞，淨係for佢？嗰陣時錄咗去就算，因為公司問題啦﹗就由嗰時開始之後，我就唔妥TVB到𠵱家，咁多年嚟大家冇再見我再喺TVB出現過﹗」
廣告（請繼續閱讀本文）
Ronald再舉例說：「等如Michael Jackson 嚟，『我唔鍾意你隻歌叫《Billie Jean》，你淨係可以唱《攞嚟賤》』，咁人哋會唔會踩你吖？係咪先？」
廣告（請繼續閱讀本文）
傲天霸 佢好似完全唔記得自己當年喺飛機上醉酒鬧事的事，正因當年的醜聞人氣下跌時，之後美女廚房幫左你幾多？同埋其實唔鐘意可以放在心，不用拿出來公告。人就係咁⋯⋯呢D人行內真係見唔少
2021年11月13日11:49
𝕮ɧཞıʂ༉🐾🐾🐈🐱 咁小事都記到而家，唔記得佢飛機事件後好梅，tvb搵佢拍「錦繡良緣」做第二男主角？爆笑急轉彎同埋美女廚房?唔係tvb可能一早轉行添了
2021年11月13日09:58
MN 但係你有幫TVB做美女廚房喎🤔🤔
2021年11月13日15:42
David Lai 心裏不滿，行動照做！仲要二十年後至敢出聲，好心啦！
2021年11月13日10:51
駿 要嬲唔係嬲TVB，唔係嬲所屬公司；要嬲就嬲自己當年無本事，要妥協改歌詞又要唱多個版本。自己當年醉酒鬧事，脾氣又差，負評一籮籮；今時今日反過嚟唱人，你既為人真係一絕
2021年11月13日09:57
顯示全部