最近長沙灣新開左一間餐廳叫做【Amusement】，晚市以主打法國菜為特色，但午市卻以多國菜式迎合荔枝角區的上班一族，牛扒PIZZA意粉一應俱全，而且非常精緻有特色，食品用料亦非常講究高質，我地一齊睇睇佢7款午市套餐有咩菜式啦！
【美式芝士辣肉腸薄餅】HK$88
以手工即搓麵團製作的PIZZA，加上大量芝士及辣肉腸，真係非常惹味！好重咸香好足料，絕對唔係得幾片辣肉腸，絕對係高質滿足之作！好好味！
【西班牙豬鞍架配自家製醬油】HK$168
以西班牙超厚肉豬鞍做主菜，相當與別不同！肉質非常軟滑，肥瘦均勻而且好彈牙，真心大推！
主廚表示這款豬鞍想營造出日本炸豬扒的味道，所以伴碟醬汁以日本中濃醬、味淋、豉油、檸檬汁等等調和製成特色豬扒醬，食落有少少似日式豬扒醬味道但又有少少似西餐燒汁，味道相當特別！絕對不能錯過！
【香辣蕃茄大蝦手工意粉 】HK$128
Spicy Tomato Prawn Spaghetti
顧名思義就係新鮮手工製嘅粗身意大利粉，每日廚房由廚師新鮮即製，十分獨特！
醬汁方面加入新鮮蕃茄及香草，配合埋意大利西西里大蝦，鮮蝦爽滑彈牙，好大隻，海鮮味好突出。
意粉質地較結實，雖然粗身但好有咬口！
唔好睇佢好似煮到腍哂嘅茶記湯意粉咁，佢本身手工做，都真係比一般意粉粗身架！
【安格斯西冷配燒汁】 HK$168
以美國安格斯牛扒製作，每塊牛扒都以慢煮方式以攝氏50度煮半個鐘，令佢每一塊都成為MEDIUM半熟，然後客人點餐時就會即時將佢高速煎香，保留住佢嘅鮮嬾肉汁。
但留意返佢最少都5成熟，無3成熟可以點的，所以唔鍾意5成熟以上嘅牛扒專家要留意返啦。
醬汁方面，以自家製的牛骨煮成湯再變成燒汁，咸咸地唔算好特別，但都好好食！
【檸檬牛油白蛽意粉】 HK$128
以白酒及牛油煮成醬汁，帶出酒香，再加入檸檬汁及檸檬皮增加酸度及苦味，最後以檸檬百里草提味，味道酸中有咸，有非常輕的檸檬皮苦，非常有層次！
意粉同樣為手工製粗意粉，非常掛汁，再伴以大白蛽提鮮，好味道！
【意式火腿火箭菜薄餅】 HK$128
呢款PIZZA同樣係以新鮮即搓麵糰製作，好薄又有脆底，底下舖滿芝士，上面放上好多片的意大利PRAMA 36個月的風乾火腿，超大片而又唔係好咸，食落好鮮味少少咸！
加上面頭嘅火箭菜有微微苦澀味，令PIZZA味道更豐富！好好食，好正！
【Amusement 早‧午全餐】 HK$148
估唔到全日早餐都會出現係佢地嘅LUNCH MENU上面呀！
英式ALL DAY BREAKFAST就係大堆頭早餐見稱，其實並唔會有一個既定菜式係裡面，可以千變萬化，所以AMUSEMENT佢地大廚決定捨棄香港最常見的茄汁豆，因為感覺太平凡唔夠氣派，主廚決定換上班尼迪蛋Egg Benedict，以水波蛋放上拖鞋麵包上面再加上荷蘭醬，雖然缺少左必備的火腿，但伴碟有大啡菇+大香腸助陣，仲有薯條同沙律，相當豐富又飽肚，真係相當大份！
午市期間，只要加HK$20就可以轉成套餐，包埋餐湯+麵包+沙律，飲品仲可以半價加配添！
餐湯方面真心係好高質法國菜的濃湯，好足料好濃味，好好飲！
麵包亦唔係普通麵包，係有水果乾特製的鬆軟餐包，好特別！
沙律就比較平凡，但佢有好多車里茄加上唔同款式的沙律菜，都好豐富！
如果有興趣試下，可以lunch hour去一嚐佢地嘅美味，係荔枝角返工的話就最方便啦！
【Amusement】you joy. our amusement
地址 : 香港長沙灣福榮街538號地舖2號
訂座電話 : 2666 6019
-----------------------------
➥? 訂閱頻道－ https://www.youtube.com/c/窮遊達人MrTravelGenius?sub_confirmation=1
📝 窮遊達人 - 官方網站
足本節目 ⏬
Full Version ⏬
Facebook/YouTube 搜尋Search
🔥窮遊達人 Mr. Travel Genius🔥
🎬 YouTube Channel -https://www.youtube.com/c/%E7%AA%AE%E9%81%8A%E9%81%94%E4%BA%BAMrTravelGenius/featured
🅿️ Facebook - https://www.facebook.com/mr.travelgenius/
📸 Instagram - https://www.instagram.com/mr.travelgenius/