又睇中西貢豪宅！張敬軒唔玩股票買磚頭保值

一向百足咁多爪的張敬軒生財有道，即將舉行入行20周年的演唱會，業內人士保守預計將為他帶來約千八萬港元進帳，名到其實會「生金蛋」！

近日雖然他退股主題餐廳，但先後投資的錄音室及婚紗店生意贏得口碑之餘，亦相信帶來不錯利潤！軒仔月前更化身「地產仔」，緊貼本港樓市行程，拍片帶網紅雪姨睇樓之餘，再以嘉賓身份亮相銀行網上財經節目，談投資時分享自己的一套：「我細個唔識儲錢，後來明白要增加被動收入及學財富管理。我嘅物業都係以收租為主，我依家住緊嗰度反而租嘅，面積各樣嚟講相當抵租。我比較鍾意歷史建築及有關保育嘅嘢，會係我杯茶，早排去過西貢紅樹林睇樓，雖然叫價可能高啲，但負擔得起就會選擇。呢行花無百人紅，投資股票要講天分，我選擇買磚頭，呢樣都係楊生（經理人公司老闆楊受成）成日教我哋嘅。」

東網網站 : https://on.cc/東網Facebook專頁 : https://www.facebook.com/onccnews/