【張敬軒演唱會】張敬軒演唱會第六晚嘉賓，請來女神梁詠琪，軒仔更自爆中五初戀的女朋友，同GiGi係一個餅印，只是矮她半個頭。
昨晚嘉賓環節，軒仔表示讀中學時，梁詠琪的電影及好幾首歌，陪伴著他十月芥菜的時期，自己中五，六時後的一段戀愛，擇偶標準都係用GIGI作藍本去揀。當年他的另一半，同GIGI係好似樣，每當他聽到女神GIGI的歌，見到GIGI本人，都會覺得有一種魔力，帶他返回青蔥歲月的浪漫時光。繼而跟GIGI 合唱了「兩個人的幸運」。
合唱後軒仔多謝女神，GIGI就笑話：「哎也，唔好叫我女神啦。我係咪真係同你個女朋友好似？軒仔就比量道，「佢矮你半個頭咁啦…不過依家已經嫁左人，結左婚，個老公重好似係生意人，好幸福。」GIGI反問軒仔，「咁你係咪好傷心呀？」軒仔話，「DRY少少咁啦，不過都冇乜o野….講番我求學時期成日聽你歌….」GIGI就馬上插口，「喂，咪住先，我Google過，其實我大你幾年o架咋！你唔好講到我好似大你幾代咁，哈哈…..」接著又話，「我今次來想帶個故事比大家聽，關於張敬軒o既一件事！2015年，當時我地有一位共同朋友，佢爸爸有病成日出入醫院，媽媽年紀又大照顧唔到， 你身為佢朋友，知道佢難處之後，就同佢講，我屋企有個司機，不如用我個司機車你爸爸去醫院啦。當時佢好多謝你，減輕咗佢負擔。過一段日子，呢個朋友更發現，原來當年所謂軒仔司機，唔係你司機，係你特登出錢包起架車，來幫佢。你真係私下做好多好事喎…..」軒仔馬上謙稱，「 幫到人係我福氣。你點解知咁多o野o架？今晚我揀左我當年最鐘意個首十月芥菜歌，每次一聽呢首歌我就春心蕩漾。接著陪著GIGI台上一起唱「一天一天」作結。
#張敬軒 #梁詠琪 #演唱會 #張敬軒演唱會
#兩個人的幸運 #一天一天
#香港製造 #MadeInHongKong #香港人撐香港音樂
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
🏆 谷撐音樂流行榜：https://bit.ly/3q6yB0l