劉鳴煒疑再做人夫　上載新人相擁照片暗示迎娶學霸女友？

估計坐擁達300億港元身家、被視為「城中鑽石筍盤」的42歲富商劉鑾雄大仔劉鳴煒，兩年前被傳戀上新歡簡雪忻（Joyce），二人更高調在銅鑼灣鬧市拍拖兼開展同居生活。去到今日，劉鳴煒就突然在社交平台公開一張一對新人在貼有囍字的落地大玻璃前抱抱照片，更留言寫：「05/03/2022」，疑似宣佈已在月初結婚。

據知，劉鳴煒同Joyce於6年前港台節目《我係乜乜乜》結緣，當時節目安排一眾女士選男神，Joyce本身選擇嘉賓游學修，但當劉鳴煒出現後即時轉呔，更表明鍾意劉鳴煒個樣。當時曾有人形容劉鳴煒「成個package都好好」，網民更稱呼劉鳴煒做「Package Lau」。而Joyce的package亦不錯，中學畢業於名校瑪利諾修院學校，2009年考入英國隸屬倫敦大學旗下的皇家哈洛威學院修讀經濟學，2012年再以First Hon畢業，絕對是學霸一名，更曾與何超蓮是同屆同學。另外，劉鳴煒與前妻Wendy在2001年於英國結婚，08年誕下一對龍鳳胎，於10年兩人宣布離婚。