田蕊妮演出林日曦企劃的舞台獨腳戲《大離婚日——妻》，原本演出16場，由於觀眾口碑帶動，日前公布在公演完成10日後即時重演。今日（16日）林日曦再公布《大離婚日——夫》門券一票不剩，決定公演完成7日後即時重演。跟《妻》一樣，公開售票日期為明天（17日）早上10時快達票正式開賣。
有網民對這是「重演」或「加場」在討論，林日曦說：「我話重演就重演啦」田蕊妮也在社交平台就「重演」或「加場」有話兒，她說：「有人問重演同加場有咩分別？佢話重演通常係會有新元素！首先，關於『妻』嘅新元素呢方面唔洗擔心，因為個劇本日日改，基本上係場場都會唔同。至於，『夫』就我都唔知佢攪乜架！亦有人問應該睇咗『妻』之後先睇『夫』？定係無乜所謂？基本上係無乜所謂嘅，但係我個人建議就睇咗『妻』先，因為各位老公一定要記住，一段關係『一定係女人行先架』亦有人問我未結婚喎，會唔無共鳴架？我本人強烈建議拍緊拖或即將要結婚嘅，嚟睇咗先，睇完先再考慮結婚呢單嘢！另外單身嘅更加要嚟睇啦，睇完先再考慮拍唔拍拖！完。吖…未完…再提一提大家千祈唔好以為入嚟睇呢個劇會有咩大道理或者得着呀，無架，我哋好膚淺架咋，2個幾鐘玩吓笑吓架咋！」
（即時娛樂）
廣告（請繼續閱讀本文）
