19歲炎明熹（Gigi）自《聲夢傳奇》以冠軍出道後備受力捧，但今年6月時傳出因合約問題而被TVB「雪藏」，多月來都一直未有安排新工作，就連TVB台慶都缺席。炎明熹早前傳出被TVB解凍，大半年前拍攝的音樂特輯《戀上西沙》將於今晚（12月21日）晚播出。
《戀上西沙》主要演員有炎明熹（Gigi）、李爾晨、海俊傑、張美妮、林子超（新名林至昭）及麥玲玲，另黎諾懿、「東張女神」何沛珈則以客串性質演出。主推靚景靚歌靚人的《戀上西沙》，除了Gigi及Gi式靚歌，還有大量其他精彩元素。首先不得不提的，在劇中與Gigi有不少對手戲的李爾晨（Kyle）及林子超。先說在圈中是馳名大隻仔的Kyle，在特輯中不時大晒超強胸肌及朱古力腹肌，其中羅馬戰士裝束更非常搶焦。
為了操出這身靚肌，Kyle之前日操夜操，再配合節食及「甩水」，才有如此完美效果，Kyle說：「我永遠都擔心自己啲肌肉狀態係唔夠，所以知道要除衫後事前有加緊操練，同埋戒咗夜晚嗰餐。為咗個線條出啲，我都加強咗胸肌同腹肌嘅訓練，瞇埋眼就係咁操，同埋做埋甩水嘅部分。之前做運動員就唔使甩水，但退咗役就要。」本身是前香港男子甲一排球員的李爾晨，於2016年為球隊奪得甲一排球聯賽冠軍，以及首個全港公開馬拉松排球賽冠軍，再於翌年衛冕。不過由於Kyle拍攝《戀上西沙》期間要同時拍攝另一套劇，休息時間很少；加上當時正值冬天，他的角色又要不斷上水落水，令他一度擔心肌肉出來效果未如理想：「始終準備咗好耐，好驚唔係最好狀態。」
Kyle在特輯中是直立板、高爾夫球及棍網球專家，不過Kyle笑言其實他自己也是首次接觸相關三項運動，故此扮專家對他來說也是頗大挑戰。3年前已開始投資健身室的Kyle，原來晃眼間已開到第七間健身室，年尾12月29日更會開設首間美容院。熱愛增值的Kyle，近期愛上打網球，更與鄧智堅、孔德賢、黃子恆、黃庭鋒等是波友。
另一亮點則落在與Kyle及Gigi均有不少對手戲的林子超身上。飾演Gigi表哥的子超，為人八卦又娿哿，加上表情動作都超誇張，自然十分搶戲。為了加重特輯的喜劇感，監製林肯安排一場極級搞笑歌舞場面給子超及麥玲玲，二人以極搶眼造型跳唱《熱力節拍Wou Bom Ba》。在歌曲尾段，子超還大晒招牌柔軟身手、展示驚人一字馬，觀賞指數甚高。
第三大亮點是飾演Gigi爸爸的海俊傑。由於劇情講述海俊傑年青時亦與Gigi一樣有個歌手夢，並曾推出個人單曲，為了令事件更像真，劇組找來海俊傑昔日的情歌王子獻唱片段加插劇中。