香港美食｜牛角J登陸啟德！主打抵食一人燒肉
燒肉店牛角的副線 「牛角J」 登場！「牛角J」主打性價比高燒肉定食，提供11款全日定食，價格抵食，每份定食包含肉品、日前菜、味增湯及珍珠飯。開業優惠 $48 就食到「魔法塩醬牛五花定食」，仲可以加 $8-$16 將珍珠飯 升級做人氣牛角飯或櫻花蝦鰹魚紫菜飯，超抵呀！自問係 食肉獸或大胃王嘅朋友就要試「 相撲燒肉盛」，分量超多，足足有450g嘅黑白胡椒牛五花，而且同樣抵食， 平均每100g只需$35。而一次過想試多幾款嘅朋友就可以考慮 3品燒肉定食或 勁「JENG」套餐。勁「JENG」套餐分別 設有 2人、4人及6人分量， 套餐更會以優惠價 7折發售，計一計每人約$150就可以每人 食到約200g肉品，真心抵食！
▲「魔法塩醬牛五花」定食：開業優惠只需 $48，超抵食！
▲ 設有11款全日定食，除了肉品更包括是日前菜、味增湯及珍珠飯。想個人化更可點選任何單點燒肉，另再加 $26 升級為定食。
▲ 相撲燒肉盛（$158）：食肉獸或大胃王必試！黑白胡椒牛五花肉量約有一磅重(450g)，平均每100g牛五花只需$35。
▲ 3品燒肉定食（$98）：設有多款選擇，包括「花椒孜然雙牛&雞定食」、 韓風辛辣豚雞三重定食」、「牛角燒肉汁牛三重定食」及「山葵燒汁牛三重定食」等等。
▲「牛角J」 推出5款 限定醬汁，由牛角秘傳燒肉汁變奏而成，包括「山葵燒汁」、「黑白胡椒燒汁」、「威士忌燒汁」、「韓風辛辣」及「花椒孜然」 。
牛角J
地址：啟德體育園啟德零售館301號舖 (Mall 2)
營業時間：星期一至五 12:00 – 21:30；星期六，日，公眾假期及假期前夕 11:30 – 21:30
開幕優惠：
日期：即日至2025年1月17日
優惠內容：「魔法塩醬牛五花」定食只需 $48 起；惠顧「威士忌燒汁雙牛定食 (牛小排/牛五花) -$148/200g」可免費升級至250g
文字：香港人遊香港