香港美食2024｜大熱本地爆餡泡芙甜品店 特濃開心果麻糬芝士撻
日售過百件泡芙的法式甜品網店AW Patisserie由法國藍帶及前五星級酒店餅師主理，主打多款特色口味泡芙，當中包括有特濃意大利開心果麻糬泡芙、Lotus焦糖餅乾泡芙、芋泥鹹蛋肉鬆麻糬等等，更不時推出港式糖水口味，例如有腐竹薏米、糖不甩、黑芝麻湯丸味等，口味豐富，而且個個賣相一流，用作散水餅或者節日慶祝都係唔錯嘅選擇！依家仲推出快閃店，有限定產品三重開心果麻糬芝士撻，冰與火兩種食法，快啲去試吓啦！
▲ AW Patisserie即日起於銅鑼灣SOGO開pop-up store，有特濃意大利開心果麻糬泡芙、全新限定產品三重開心果麻糬芝士撻，有意大利西西里島、日本同伊朗，幼滑濃香開心果芝士內餡，夾層和面頭濃香開心果醬，中間有煙靭麻糬。推薦冰與火兩種食法，直接雪櫃取出即食會有類似雪糕幼滑口感；如果放入微波爐加熱10-20秒可以享受流心效果。
▲網店曾推出過糖不甩泡芙、Lotus焦糖餅乾泡芙，每款都好吸引。其中 特濃意大利開心果麻糬泡芙用上意大利西西里100%純開心果醬，加上煙靭麻糬同經烘焗嘅開心果碎，切開有爆漿流心效果！
▲台式芋泥鹹蛋海苔肉鬆麻糬用手工新鮮芋泥，加入海苔肉鬆、流心奶黃餡、鹹蛋黃粒，食落去味道鹹鹹甜甜。
▲威士忌比利時黑朱古力脆脆工泡芙加入威士忌甘納許、70%比利時朱古力手工吉士、自家製朱古力醬以及意大利榛子脆脆，朱古力迷必試！
▲另外亦 推出港式糖水口味，例如有腐竹薏米、糖不甩、黑芝麻湯丸味等，如果想試新品可以品嚐一番！
AW Patisserie
銅鑼灣SOGO Pop-up店
活動日期：即日起至4月25日
地址：銅鑼灣崇光百貨公司地庫2層B2 Freshmart
營業時間：12nn – 10pm
IG專頁：@aw_patisserie
網上訂購：按此
圖片來源： @aw_patisserie 文字：香港人遊香港