【今日直擊】馮盈盈今日在社交平台公布與醫生男友鍾文浩(寶寶)的「分」訊,結束這段4年感情,她下午3時許帶著沉重心情,出席無綫新劇《逆天奇案》拜神,親自向傳媒交代一次;當問到可覺得可惜時,她當場爆喊。
廣告(請繼續閱讀本文)
馮盈盈說:「其實…這個決定經過深思熟慮了一段時間,大家好和平理性去處理,覺得我們做得這個決定,都無謂一直隱瞞,順理成章話畀大家知。(分手幾耐?)都一段時間。(12月?)都係。(分手原因?第三者?)絕對不關第三者事,是我們兩人之間的事,原因大致上可以講是…始終可能相處容易,相住難。(相住發覺好多磨擦?)同居了之後,兩個人一齊生活,可能環境上有些轉變要適應,可能在適應過程中發現,最舒服相處模式、關係,都是做番朋友,無話再見不是朋友。」
至於有否挽留機會?馮盈盈續說:「此時無得講挽救,因為已做了這個決定,未來有好多變數,不可以好肯定去講,現在做回朋友關係都舒服的。(已經搬離愛巢?物業如何處置?)我們已無一齊住埋,已分開居住,各自返自己屋企,那個地方會有方案解決。(愛巢將會出售?)會睇定先…(結束4年情可感可惜?)不會覺得特別可惜、遺憾,始終是兩人決定的事,這4年大家經歷了很多,又成長很多…這些都是開心(突然爆喊)。(都是唔捨得?)無話唔捨得,好感恩,互相扶持好多,都會互相祝福…好感恩、好幸運遇到他。(他是否接受不到你拍激情戲?)我諗同工作上無太大關係,他一直表示理解支持,這方面亦感激他諒解、大方包容。」
(即時娛樂)
廣告(請繼續閱讀本文)
angela 普通男士都唔鍾意女友喺其他人面前講佢,何況你個男朋友咁叻,又十優又醫生,更加唔鍾意啦,男人嘅禁忌就係講佢............
你仲成日講你有出錢首期但冇你個名,其實男人最吾鍾意就係呢啲啦,喺佢角度你唔鍾意夾錢咪唔好夾囉,你要夾錢又要出聲講到自己好似好委屈咁佢咪冇面子囉,佢話晒都係10優又醫生,你估佢真係冇首期咩?!就算今日冇唔代表將來冇,張家輝個廣告都有講啦!係佢角度你係自願夾咁你就唔好成日提起啦,佢冇面子㗎嘛
2019年12月30日18:48
☀️☀️ 今次佢分手肯定唱衰條仔
自己冇着底褲都要同全世界講
呢啲女好極都有個譜
真係恭喜佢男朋友!
😎😎
2019年12月30日12:17
顯示全部