林淑敏(Mandy)在《愛·回家之開心速遞》中飾演野蠻潑辣「大小姐」人氣急升，在訪問中她大談乳癌康復的經歷，以及與丈夫成婚的心路歷程⋯
撰文：東方新地｜圖片：新傳媒圖片庫、林淑敏FB
延伸閱讀：
廣告（請繼續閱讀本文）
林淑敏 活在當下
廣告（請繼續閱讀本文）
林淑敏在2010年患上乳癌，經歷過多次化療同手術切除腫瘤後，終抗癌成功，講到呢個病令佢脫胎換骨，林淑敏笑言：「其實係祝福嚟，好多人會覺得，病一定好慘、一定係唔好，但我有呢個困難面對過，我又覺得一路行落嚟，其實所有嘢對我嚟講都係祝福、成長，我嘅性格改變咗好多，以前係好憂慮，好似好識計劃咁，會計劃到六十歲、七十歲，但係今日嘅我，我會比較傾向活喺當下，我會顧好今日、明日，將來嘅事，船到橋頭就自然直㗎嘞。我少咗好多憂慮，我覺得我諗咁多，一來未必會發生，再講我都未必會有六十歲、七十歲，唔知㗎嘛！個人豁咗出去，輕鬆好多、開心好多，演戲其實都係內心嘅反射，當我放輕鬆咗，其實對我自己嘅演技係有一啲幫助。」
問到林淑敏當初係點發現患乳癌？佢話：「我自己摸到㗎！乳癌有好多係深藏喺裡面，去到有徵兆被發現可能已經處於好危險嘅階段，我都算係好好彩，我嘅腫瘤係生喺表皮下面，凸起咗，唔去理都唔得，去睇醫生，好快做咗個決定，做手術，因為係表皮下，唔需要做全乳切除，但就要剪皮，剪走感染嘅皮。」
廣告（請繼續閱讀本文）
延伸閱讀：