【自炒黑歷史】出道做歌手　講明係試身室性愛片女主角？

內地5年前網傳一對男女於日本休閒服裝品牌試身室嘅性愛短片，引起CNN等外國傳媒報道，男女主角隨即被起底，二人屬北京聯合大學商務學院師兄妹關係，並非情侶，有傳女主角余藝精神崩潰，一度有輕生念頭。

不過，最近有網民發現余藝以歌手身份出道，樣貌似足性愛片嘅女主角，其表演嘅海報以「馬伊娜」作藝名，更指係馬來西亞混血兒。海報中嘅佢造型多多，着上性感服裝谷出湯碗胸，大擺誘人甫士，除咗標榜自己係試身室女主角之外，更講明「直接挑逗你身體最原始的欲望」，意識相當大膽。如果為同一個人，黑歷史似乎冇令佢留下心理陰影，網民忍唔住大鬧：「唔知醜！」據悉，余藝演出酬勞約5萬至8萬人民幣，雖然才藝普通，但勝在夠話題性，唔少客戶邀請佢接登台騷。

此外，網上亦瘋傳另一張夜店演出嘉賓「Mimi」嘅海報，上面同樣提到係試身室性愛片女主角，又以「余藝小濕妹」作招徠，另有網絡平台跳舞片嘅孕婦，網民指三女樣貌相似，認為係同一個人，真係睇到眼都凸埋！

東網網站 : https://on.cc/

東網Facebook專頁 : https://www.facebook.com/onccnews/