《踩過界2》將於11月16日於翡翠台播放，為此無綫已安排上一輯《踩過界》在深宵時段重播，昨日《踩過界2》在電視城開記招，齊集所有演員晒冷，今輯除了「正義鐵三角」王浩信、蔡思貝、張振朗演出，更加了不少新角色，其中一班老戲骨如秦沛、雪梨、馮素波、潘志文(潘翁)、修哥胡楓等，每人都飾演一個單原個案的主角，佔戲重戲味甚濃。在昨日的《踩過界2》記招上，潘志文潘翁更爆seed搶疆劇透，台上演員台下監製幕後甚為愕然！
文：東方新地 ｜ 圖：TVB截圖
《踩過界2》《使徒行者3》王浩信 林峯對決
《踩過界2》與《使徒行者3》一樣先於網上平台首播，播放平台是myTV Gold及TVB Anywhere，《使徒行者3》早前網上已開播；而《踩過界2》網上搶先開播為今日11月2日，首日上架六集，後每周一至四晚上8時更新2集；而翡翠台首播日期昨正式宣布為 11月16日逢周一至五晚上9點半至十點半檔，接《使徒行者3》的八點半至九點半檔，視帝之爭很大機會落在王浩信飾演的盲俠和林峯飾演的爆Seed身上。
《踩過界2》記招 潘翁搶疆劇透
昨日在無綫電視城搞大型記招，召集全劇逾50位台前幕後出席 ，其中當然唔少得「正義鐵三角」王浩信、張振朗及蔡思貝。在介紹每個單元劇情時，趙希洛以越南話介紹完自己的角色是飾演越南籍人士後，站正中央的潘翁突然搶疆爆seed謂：「我見佢(趙希洛)講得咁過癮，我都要自己講番兩句！」
司儀陳庭欣即焗住交個波俾潘翁，潘翁雞啄唔斷：「盲俠係搞我唔掂嘅！雖然監製話唔好劇透咁多，但我都爭取機會想要多啲鏡頭…」此時身旁演員如楊娜、徐榮、孫慧雪、張彥博等都忍唔住爆笑，潘翁一於少理沉醉於《踩過界2》的角色世界，繼續謂：「最終我衰喺邊個手上呢…」潘翁準備爆big boss的樣子，旁人為之側目！
潘翁：「邪不能勝正，雖然我係最有錢(劇中為富商)，我衰喺邊個手上呢(呢句loop多次)，佢今日都唔敢嚟…」然後突然自我介紹指自己叫「潘翁」，在台上演員中「夠老」，暗指自己老資格，不過波姐馮素波突然舉手指自己年紀更大，潘翁被窒即言歸正轉：「仲有個更老，叫老姜，佢係姓姜嘅，但就用咗個假名嚟做戲…」又指指台下的姜麗文謂：「佢個女喺度呀… 就係秦沛了！…留意劇情啦！」
《踩過界2》盲俠打爭議性案件戲味極濃
在《踩過界》中變性人性騷援、SM性虐案、父殺女案等都甚有睇頭，今次在《踩過界2》爭議性案件更多，例如「PTGF自殺案」、「圍村子女爭產案」、「明星換心案」、「快餐店難民劫殺案」、「智障人士強姦案」、「老翁殺妻案」等等，聽名已知極濃戲味，而且不少由老戲骨擔綱，可觀性極高！
波姐馮素波在劇中與張彥博飾演母子，照顧智障兒張彥博，她記招上坦言：「張彥博好好戲，我初時真係以為佢弱智，引得全場大笑！
《踩過界2》
《踩過界2》秦沛再隔十年再拍無綫劇
《踩過界2》中秦沛飾演的簡紹宏，是大律師宏大狀，為人現實，為了自身利益可以去到好盡，性格深藏不露，是王浩信所飾演的文申俠及張曦雯飾演的邵美娜的師傅，秦沛和王浩信雖是師徒關係，因卻因為十六年一單案而反目，決裂後互相鬥法，有你冇我，所以王浩信曾透露二人亦師亦是仇人，關係又愛又恨，千絲萬縷﹗其中更有一場戲是秦沛開車撞向王浩信，血海深仇﹗
《踩過界2》劇照
秦沛35年前已經演大狀！
說到律師角色，秦沛在上世紀就已憑85年經典電影《法外情》的「嚴大狀」令觀眾留下深刻印象！他的角色墨守成規，多次為保全自己名譽犧牲他人，自私、冷漠，當時41歲的Paul哥已是一百分老戲骨，演繹令當時觀眾恨之入骨，如今76歲做盲俠師傅，令人期待！