藝人張彥博喺劇集《跳躍生命線》中以「雄姐」一角彈起，唔少網民都覺得佢演技好好，佢所飾演嘅「雄姐」因意外而死亡嘅一幕更加係賺人熱淚。
歌手出身嘅佢仲會喺12月9日喺九龍灣展貿star hall舉行首個演唱會。佢琴晚就上載咗段化妝片同幾張女裝裝扮嘅相！本身眼眼大大嘅佢化晒妝，戴埋假髮，乍看激似女仔！
廣告（請繼續閱讀本文）
張彥博仲留言：「豁出去了～盡力吧！希望大家頂得住，愛惜自己的電話視屏啊…Ps:12月9日見~Good day 張彥博2018演唱會~九龍灣展貿star hall」唔知係咪會喺演唱會以女裝亮相呢？
廣告（請繼續閱讀本文）
唔少網民都覺得張彥博女裝好靚，甚至有網民留言：「第一眼以為係宋智孝」，更有網民覺得「雄姐終於現真身」。
廣告（請繼續閱讀本文）
其實樣子秀氣嘅張彥博都唔係第一次扮女裝，長長假髮嘅佢唔洗濃妝已經好「靚女」啦！
唔知大家又覺唔覺似宋智孝呢？
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）