秋風起，遊園期！秋天天氣涼爽，好適合去親親大自然，呼吸下新鮮空氣，順道打下卡。打卡當然唔少得靚景啦！首爾呢個公園就啱哂喇！
呢個公園喺首爾市內，佔地好廣嫁，有成差唔多 16萬平方米咁多！有好多唔同入口，無論揸車去、搭巴士或者鐵路都好方便！
而且入口附近又有餐廳、食肆，可以喺度hea一日都得呀！
廣告（請繼續閱讀本文）
遊公園當然有得賞花賞樹啦！但公園有好多花草樹木睇之外，仲有好多藝術品，好似好啱情侶嘅"I love you"牌、有月球feel嘅水泥隧道、童話世界嘅小木屋等等⋯⋯行行下，仲會有好多野生動物走出嚟同你「打招呼」嫁，大家有機會見到野貓、野兔、松鼠等等！真係影相影到手軟！
廣告（請繼續閱讀本文）
廣告（請繼續閱讀本文）
沿住路牌行，大家會搵到梅花鹿園！呢度嘅鹿仔好cute，仲好為食嫁！
入口有部飼料自動販賣機，1000圜（約$7）一杯，就可以體驗下係咁俾花鹿舔嘅滋味喇！
公園入面有個大草地，有好多人都會嚟呢度野餐嫁~
大家嚟呢度打卡最好喺門口影底個地圖, 咁就唔會盲中中唔知行左去邊啦！
《首爾林》
地址：韓國首爾城東區聖水洞1街685
交通：
1.首爾地鐵2號線 纛島站 歩行10分鐘
2.韓國鐵道中央線 鷹峰站 歩行10分鐘
3.韓國鐵道盆唐線 首爾森林站
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）