廣告（請繼續閱讀本文）
藝人莊思敏在將軍澳電視城錄影節目《姊妹淘》，主持之一的李君妍的胞姐確診新冠肺炎，惹起同事恐慌，一齊開工的孫慧雪、蔡嘉欣更進行自我隔離，原本今日有通告開工的蔡嘉欣亦要取消通告。
講到李君妍指深喉唾液化驗結果呈陰性，問到莊思敏可會放心點？她說：「放心呀，因為已經驗咗冇事，同埋嗰日見佢都係幾秒冇近距離接觸，所以安全，其他主持亦都檢驗咗冇事。」
有指李君妍明知家姐確診也照開工？莊思敏說：「如果知道唔出聲就唔係幾好，但以我所知佢都係嗰日拍外景嘅時候先知道，呢啲亦冇得瞞嘅。（李君妍入咗去隔離營？）唔係check咗冇事就冇事？大家都有鼓勵佢、叫佢加油。」 新婚不久莊思敏指老公已回台灣工作，兩人可能要分開兩三個月，她說：「佢知道呢件事，但唔係太擔心，因為我冇近距離接觸。佢返咗去台灣做嘢，依家都家居隔離緊，我就直情入唔到境，我諗都要分開兩三個月，冇辦法，希望疫情快啲穩定。」
廣告（請繼續閱讀本文）
東網網站 : https://on.cc/
東網Facebook專頁 : https://www.facebook.com/onccnews/