廣告（請繼續閱讀本文）
歌手林奕匡到電台宣傳後日推出的新碟《FINDING CHARLIE》，透露Charlie是其第一個最愛的色士風樂手：「勁鍾意佢，買書番嚟練佢嘅作品，其實我上年去咗美國讀書進修音樂，尋找初衷，成個過程就好似尋找Charlie咁，佢係我個偶像，係佢啟發我行音樂呢條路，所以隻碟係向佢致敬，隻碟有兩、三首歌我都加入咗色士風元素。」講到疫情期間出碟，他透露新碟開始預購，之後更會有上門送碟的服務，問到可會自己送埋？他笑言：「唔會啦，不過我會喺隻碟簽名，尋日都簽咗幾箱，希望大家可以喺安全情況下聽到音樂。」
而問到疫情可有影響工作？他坦言：「任何行業都有影響，依家所有Show都冇得開，都好掛住fans，好耐冇上台表演。（有冇計吓自己冇咗幾多收入？）所有show都冇晒，啲歌都有版稅嘅，但幾多就唔知，都係半年先出一次糧，不過我平時都少使錢，都有個緊急基金，但我都feel到好多音樂人都有經濟壓力，有啲要轉做唔同工種做住先。」
廣告（請繼續閱讀本文）
東網網站 : https://on.cc/
東網Facebook專頁 : https://www.facebook.com/onccnews/