幾時先係告白嘅最佳時機呢？唔少人都會強烈推薦4月1號愚人節，因為呢日大家都會放鬆警戒，特別係「友達以上」嘅人，一直擔心對方拒絕搞到連朋友都冇得做，如果你係呢個狀態，咁就要把握愚人節告白喇！成功當然係最好，就算對方唔係呢個諗法，你都可以話「講笑咋」，一笑置之。
廣告（請繼續閱讀本文）
外國有網站研究出幾個提高告白成功率嘅方法，雖然唔知係咪真係咁有效，但寧可信其有，聽下無妨！
1. 告白請在晚上進行
廣告（請繼續閱讀本文）
英國生物學者研究發現，入黑後表白成功率比白晝表白大好多，可能係因為夜晚大家都比較放鬆，對事物嘅接受度都大大提升，同埋夜晚表白更加有feel！
2. 請坐對方右邊
廣告（請繼續閱讀本文）
意大利科學家研究指出坐對方右邊成功率更高，因為右耳傳遞信息嘅能力比左耳強，普遍人比較願意用右耳聽他人說話，仲可以避免「左耳入，右耳出」嘅情況㖭。
3. 請大聲說愛你
雖然話調情時壓低聲調，可以吸引異性注意，但去到告白一刻，「震撼性聲音」更加重要，咁先可以震懾對方，令別人感受到你最真摯嘅心意同自信，成功率自然都會跟住升啦。
表白係自己嘅事，但好多人真係需要其他人加持先有勇氣踏出第一步，有交友平台推出「告白速遞」期間限定服務，喺愚人節當日免費為港人向心儀對象示愛，一站式服務就算食檸檬都有得返轉頭！
參加者只需要登入網站填上自己同對方嘅聯絡資料，寫上兩人嘅故事，平台就會選出20位參加者，為佢哋寫情書再發到對方手上。
萬一真係失敗咗，平台都會準備好一封愚人節快樂電郵，當得悉告白觸礁，平台就會送出電郵緩和尷尬氣氛，而示愛失敗者亦會免費獲得該平台提供嘅戀愛顧問服務，幫佢哋努力繼續尋找真愛！
活動去到今日為止，把握最後機會！
撰文：沙拉
