「大棧」推愛國優惠　用華為手機有優惠　遭網民「圍插」

中美貿易戰前景未明，「大棧」近日卻把握「商機」推出愛國優惠，向使用華為手機的顧客贈送各式禮品。不過有關優惠立即引來網民「圍插」，質疑「大棧」只是借愛國名義賺錢，甚至明言不會再光顧。

「大棧」昨日在社交媒體宣布新優惠，以大字標題指「政治打壓 虛偽不可取 貿易壁壘 阻全球發展」，稱大棧支持自由營商，顧客凡持華為手機於 20 日至 22 日到大棧各分店，購買指定商品即送贈特別禮品。

帖文推出至今已獲超過 400 個「嬲嬲」，超過 500 網民留言，幾乎一面倒批評「大棧」的做法：「呢啲狗吾搭八既公司都係借愛國名義賺錢」、「我本應想嚟幫襯你，但我見到 d 咁紅色污染嘅廣告，唔駛旨意會再幫襯」、「無用華為，以後唔同大棧買野」、「咁你以後淨係賣畀，用華為機嘅人啦」、「香港人被政治打壓時，大棧你幾時出過聲呢？」

亦有不少網民揶揄，今次優惠推廣的貨品包括日本金黃小元貝及西班牙黑豬午餐肉：「點解唔係買國貨？做乜支持日本瑤柱？」

翻查資料，大棧是由「盞記」前股東吳鴻森（ Sam）於2011年創立。當年吳鴻森於全港六份報章刊登全版廣告，宣佈出走盞記另起爐灶，成立大棧，店名諧音「大賺」。