大家一路都覺得北海道3.6牛乳脂肪就係3.6%，但睇睇營養標籤，原來唔係㗎！佢真正脂肪比例係4.2%！
咦！再睇真啲，原來好多無標榜脂肪含量嘅牛乳，脂肪比例都有3.6架！
例如綠田園全脂奶，佢脂肪比例就已經係3.6%。
廣告（請繼續閱讀本文）
牛奶公司鮮牛奶，脂肪比例一樣係3.6%。
咁點解北海道3.6牛乳又叫3.6呢? 睇真啲佢細細隻嘅字，原來話脂肪比例最少有3.6%咁解。
一般嚟講，牛乳脂肪比例越高味道越濃，既然其他鮮奶脂肪都有3.6%，3.6%嘅味道已經滿足唔到一啲追求濃味嘅食家。
廣告（請繼續閱讀本文）
我自己親眼見過有一間寫明用「北海道3.6牛乳」做甜品嘅鋪頭，喺製作過程之中除咗3.6牛乳之外，仲落咗大量嘅花奶，可以話花奶仲多過「北海道3.6牛乳」。當大家以為只係享受緊3.6%脂肪嘅時候，其實脂肪可能已經去到 6 - 7%。所以話，唔知食物嘅製造過程，真係變肥咗都唔知點解。
廣告（請繼續閱讀本文）