尋日同大家講咗日本7-11推出嘅士多啤梨三文治，日本人又點會就咁放過個美好嘅士多啤梨季呢?今個星期就先後推出多款士多啤梨商品，搶攻大家嘅胃(或者銀包)。
#士多啤梨朱古力冬甩 105円連稅 (12/24推出)
廣告（請繼續閱讀本文）
酸甜嘅士多啤梨朱古力淋係冬甩上面，相信會令甜食控一個接一個放入口!
#九州限定 士多啤梨豆沙包 140円連稅 (12/24推出)
廣告（請繼續閱讀本文）
豆沙包變成士多啤梨嘅粉紅色，使用福岡產嘅甜王製成嘅果醬、豆沙同忌廉作為內餡。
#士多啤梨牛奶泡芙 162円連稅 (12/28推出)
廣告（請繼續閱讀本文）
柔軟的粉泡芙內包著壓碎嘅士多啤梨果肉同牛奶味慕絲同練奶，實在係邪惡啦！
#士多啤梨忌廉大福 140円連稅 (12/28推出)
大福包住士多啤梨忌廉包住士多啤梨果醬入面仲有士多啤梨果肉，係Triple士多啤梨嘅幸福啊！
相信7-11陸陸續續都會推出更多士多啤梨商品，想食就要留意啦!!