岑麗香剛拍畢《BB大晒》，呢段日子比較空閒，加上疫情關係留家陪仔最安心，為了解悶香香都密密出po餵粉絲，不過呢日貼出一張眼大得嚇人、肌膚白到反光的相出來，網民個個大叫：小姐邊位？冇人認得香香，仲以為去錯咗陳美詩個IG度，真係P圖惹的禍﹗
文：東方新地 圖：IG
廣告（請繼續閱讀本文）
雙眼到嚇親人 網民：應該P咗對眼
香香岑麗香出名童顏又討人喜愛，35歲嘅佢就算嫁人又做咗人媽咪，招牌甜美笑容抺走陣媽媽味，仲仍然散發出迷人少女味㖭，天生麗質的香香，亦唔介意素顏示人，不過向來膚色唔係白雪雪嘅佢，貼出一張無白連蘋果肌都化為一體、白到反光的一張臉，一對大到不自然的雙眼，雖然圈中好友伸出友誼之手，鍾嘉欣、陳茵媺、王卓淇都大讚靚女，不過之下的留言先最真實，一眾網民個個嗌唔認得佢，問你是誰，「你P圖P到」、「應該P咗大咗眼」、「完全唔似香香」、「差啲認唔出」。唔止唔似香香本人，望落仲同孫耀威老婆陳美詩撞樣㖭，香香同陳美詩明明唔似樣，突然撞樣，都怪香香重手P圖，搞到自己變咗孫太﹗
廣告（請繼續閱讀本文）
廣告（請繼續閱讀本文）