廣告(請繼續閱讀本文)
藝人陳曉東本月底因要到橫店工作,故尋日一家四口提早返回北京進行隔離,現時身在北京某酒店嘅佢,雖然唔能夠外出,但佢接受東網電話訪問自爆同太太要分房瞓:「小朋友同媽咪一間房,因為兩個大人唔可以一齊。早午晚會有人送餐,入房佢哋有自備消毒水,會到處消毒。每日靠視像同太太以及囡囡見面。」
廣告(請繼續閱讀本文)
雖然要獨守空房,但東東大讚酒店工作人員安排良好,更指過得好充實,除咗睇劇本外,笑言喺酒店房想做運動但驚有塵,故自己會進行消毒:「比較困惑嘅係,喺間房做運動,但又怕揚起晒啲塵,所以會用消毒水噴地板同抹一次。」另外,佢話呢次有少少失策,因發現乾糧帶得唔夠多:「如果自己一早了解清楚,會買多兩個行李裝多啲嘢食同用品過嚟,不過其實依家都覺得好好啦!」
東網網站 : https://on.cc/
東網Facebook專頁 : https://www.facebook.com/onccnews/
廣告(請繼續閱讀本文)