馮盈盈返大坑西邨向老人家派口罩：「03年我只有9歲、願香港早日康復」

武漢肺炎之下，香港人人自危，好多人都唔敢出街，睇電視又會見到陸浩明亂講嘢扭曲沙士來源；一片負面情緒下，馮盈盈選擇用行動散發正能量，在2月17日去咗石硤尾大坑西邨向老人家派口罩，事後才於facebook及ig發相發文分享心情。

圖文：東方新地

TVB 節目《後生仔傾吓偈》因40歲的主持陸浩明憶述沙士時一句「香港係病毒源頭」引發公關災難，即場糾正的馮盈盈沒有割蓆，接受傳媒查詢時承認做錯更代拍檔致歉，其實2003年沙士時馮盈盈只有9歲，在香港成長的香港小姐，有常識，又真係唔係咁困難。

拍檔得罪香港人、馮盈盈承認做錯

事發後馮盈盈在 FB 發文，原來在大家狙擊陸浩明的星期日，她選擇向朋友湊齊了數百個口罩，親身去大坑西邨派給舊屋邨長者。她發文表示 2003 年沙士時只有9歲，自己仍是個小四學生，「不懂事，很多事都不明白」，但今時今日就想用自己的影響力去幫助老人家。

馮盈盈中小學都在石硤尾區讀書，2006年至2012年在石硤尾寶血會上智英文書院讀書，懶理網民話佢做戲，事實對呢區的確有感情。

馮盈盈instagram原文：

「2003年 SARS在香港肆虐，我只有9歲 還是個小四學生，不懂事 很多事都不明白
只知道媽媽突然不停叮囑我：『出街一定要戴口罩、勤洗手和用1:99漂白水清潔地方』
街上人人都戴上口罩，看不到笑臉，然後就停學 」

「本來在家放假應該開心
但只見每天新聞都是不開心的消息
又有幾多人受感染和離世…
都令大家十分傷感又憂心忡忡💔」

「17年後，人雖然仍不太懂事，
但至少已長大到有能力去幫助別人，
在朋友的幫忙下 湊齊了幾百個口罩，
就自發去派口罩給住在舊屋邨的老人家」

「看見很多行動不便的老人家 應門到開門都要幾分鐘時間 更遑論去排隊買口罩…
這場仗 不知何時完結
但如果大家一人走多一步 互相關懷
多一份愛 多一份團結
就應該會過得容易點💖」

網民讚好：醒目女、機動性強、10A嗰個仲傻更更

網民對馮盈盈派口罩的行動普遍讚好，仲認為佢用行動「割蓆」：

麥明詩完美示範「愈幫愈忙」

本身已經脫離《後生仔傾吓偈》主持陣容的麥明詩沒有參與今次的「義舉」，後而繼續做冷氣軍師，對陸浩明的事件發表意見，在其中一個狙擊陸浩明的帖下面留言，表示「以我對6號嘅認識，佢係曲掛」⋯⋯語焉不詳，結果又被人恥笑：「豬隊友，個掛字可圈可點，唔知佢係想補刀定跣多佢一鑊？！」