【搵食CONY】觀塘新開日式火鍋店　走地雞熬動L骨膠原湯底

一班人聚會，好多時都會選擇打邊爐，一邊烚下烚下，一邊講盡天下事。不過有時打邊爐食得太多肉或太雜，容易影響健康。深明大家對養生需求愈來愈大，在觀塘商場新開的「美人鍋」就主打各款無味精特色湯底、新鮮蔬菜和精選肉品，讓大家打邊爐都可保持營養均衡。不過到底有冇料到？即睇CONY試食報告啦。

「美人鍋」這個名好熟口面？因為它是日式居酒屋「塚田農場」的招牌菜，而兩者由同一集團經營。而今次「美人鍋」名正言順主打健康火鍋，其「黃金骨膠原湯」是皇牌推介，奉上時如啫喱般十分「動L」，奶白色的表面更如CONY的臉蛋般白滑無暇，然後一開火就迅速溶化。變回湯底，呷一口湯頭是一陣濃郁鮮味，卻不會死鹹。餐廳有提供火鍋套餐，有齊肉品、蔬菜及麵食，價錢較相宜之餘，亦減少選擇的煩惱，便能嚐盡多款招牌配料。

除了骨膠原湯底，同枱朋友點了忌廉番茄湯和檸檬芫茜湯一同嘗試。番茄湯加入忌廉更添香氣和細滑口感，有點意式風味。檸檬芫茜湯則是清新怡人，芫茜控必定喜歡。至於火鍋配料，套餐的肉類只可從豚肉和雞肉中選擇，倒是附上的免治雞肉更得CONY歡心，所製成的小肉球口感鬆化，而且頗有肉味。 

至於蔬菜盛合有不少坊間少見的蔬菜種類，例如紅心蘿蔔、意大利青瓜、舞茸菇、靈芝菇、蓮藕和水耕菜等。主食方面，CONY試了比較特別的紅藻綱蕎麥麵和日本羽衣麵。當中羽衣麵口感是河粉與腸粉之間，口感獨特，惟吸湯力較弱。

套餐以外，大家還可追加其他特色火鍋配料，好像和牛肩肉、日本芋豚肩脊肉、日本薩摩雞肉、芝士魚餅等。最後還可以點甜品作一個完美總結，當中焙茶雪糕是CONY的最愛，茶香十足之餘，又不會太甜。

美人鍋
地址：觀塘觀塘道418號創紀之城五期（apm）3樓L3-13號舖
電話：3596 3909